علوم و تكنولوجيا

جديد : فينك ياسعد ؟؟.

نبأبريس 04-01-2017

منين أنت عينك فيا
أجي كود، كوليها ليا
أنت عارفة وعليا هارفة
أنا كلي ثقة أوكلي نية
نسمع ونفهم فالحين ،أوكلشي داغيا
بلا ما تزربي وطيري ،تحاولي عليا
كلشي يتقضى غير بالمهل أو غ بشويا
انأ عقلي رزين و قلبي رهيف ،
بالتعرابت ،أنا ماشي خفيف
كل الأوصاف مغتكفيش ،
هذي حقيقة، ماشي تخاريف
أجي نعاود ليك ماطرا ليا
فهاذ القصة وهاذ الحكايا
نظرة وابتسامة وشوية هضرة
مني منك بدات السهرة
هدا وزين وحطا
وقيلة هذي غلطة
ظنيتها سهلا مهلا
والسهرة معها تحلا
مع الكاميرا شاعلا
كثرات عليا بلا بلا BLA BLA
أنا كلي ثقة أوكلي نية
كالت لي الوالدة الثقيلة خفيفة عليا
سمحو ليا وقيلا ،هاذي بليا
الصاطة واعرة ، دارتها بيا
ها التقوليب ها التبوحيط
وأنا واحد فنان ديما جنب الحيط
كل مرة نحسب ،شاد راس الخيط
ديما مع الحساب ديما كيشيط
الصاطة الغدارة ،دارتها بيا
عندك يا حبي تتخلاي عليا
ها السهرة ها الشهرة
دبا تفهمي ،إن فالقضية
ها الهضرة ها الحكرة
ياناس حسو مابيا
ها الغربة ها القهرة
حماضت القضية
يا خسارة فينكم يا صحاب القصارة
يا حسرة ما تنساوش الدنيا دوارة
فينك يا يوم السعد ؟
بقيت وحيد كلي مجرد
وانايا عطيت العاهد
ما نخون حتى واحد
كلكم صغار وكبار
تبعتم المسار ،دابا فراسكم الأخبار
عارفتو ماجرى وكلشي ماصار
راسي داخ وعقلي حار
أو قلبي شاعلة فيه النار
ربي وحدو عالم ما بيا
توحشت بلادي، توحشت والديا
رفعوا كفوفكم كلكم معايا
بدعاويكم الحاجة مقضيا
ثقو راها إن فالقضية
الصاطة دارتها بيا
أنا ماشي الأول ،أو ماشي الأخر
يا مولانا تعفو ويا ربي تستر
هذا قضاء وقدر ما منو هروب
الحساب هو الحساب ،الله يعفو ويتوب
هذا هو البشر
فيه الطوب فيه الحجر
أييه، ها السهرة ها الشهرة
ها الهضرة ها الحكرة
ها الغربة ها القهرة
دابا ربي يفرج وتفاك هذا الجرة
تبقى وحدك أنت، بقا تمضغ فالهضرة
يا الشامت فيا، ربي عالم مابيا
مابيا ماعليا،مصيبة طاحت عليا
عنداك تعثر وتجي فقاع الحفرة
عاد تفهم حق الهضرة وحق الحكرة
نحبك ونموت عليك يا حبي يا جمهور
ليك نعيش ونكافح و ليك نغني
نحبك بزاف وأنا بك مشهور
نهدي لك عمري نهدي لك فني
فعلا أنا مشهور هذا ماشي غرور
بفضلك يا جمهور ديما تبقى مبشور
نكوليكم ،ربي وحدو هو العالم ما بيا
مابيا ماعليا،مصيبة طاحت عليا
توحشت بلادي، توحشت والديا
نحبك ونموت عليك يا حبي يا جمهور
ليك نعيش ونكافح و ليك نغني
نحبك بزاف وأنا بك مشهور
نهدي لك عمري نهدي لك فني

محمد الشاوي

 

أضف تعليق

كود امني
تحديث

ثقافة و فن

إستطلاع الرأي